ایکنانیوز د آزادۍ ریډیو ویب پاڼې له قوله راپور راکوي،په  افغانستان کې په سرطان د اخته کسانو د شمېر پر زیاتېدو او په دې وژونکې ناروغۍ د مړینو پر زیاتوالي  مرستندیو او خیریه موسیسو سخته اندېښنه وښودله.

په  افغانستان  کې لا هم د سرطاني ناروغیو د درملنې او تشخیص امکانات په نشت حساب دي او ګڼ کسان مجبوره کېږي خپل ناروغان ګاونډیو هېوادونو ته ورسوي.

 دافغانستان د روغتیايي سکټ‍ر د معلوماتو له مخې، هر کال په افغانستان کې تقریباً ۱۹زره ۴۵۰ کسان په سرطان ناروغۍ اخته کېږي، له بده مرغه ۱۴زره ۷سوه ۴۶ وګړي د دې ناروغۍ له کبله مري. زموږ د معلوماتو له مخې، په افغانستان کې په سرطان د ټولو اخته کسانو شمېر شا و خوا پنځه لکه کسانو  ته رسېږي.»

هغه کسان چې په سرطان اخته ناروغان لري وايي، له بېوځلۍ کړېږي او په دې نه پوهېږي چې د خپلو ناروغانو درملنه څنګه وکړي.

په افغانستان کې د سرطان په وړاندې د مبارزې بنسټ مشر ډاکټر شفق شینواری وايي، دوی له روغتیايي سیکټر سره په ګډه هڅه کوي چې په افغانستان کې د سرطاني ناروغیو د درملنې امکان برابر کړي:

که څه هم دا مهال په افغانستان کې د سرطان په وژونکې ناروغۍ د اخته کسانو شمېر پنځه سوه زره ښوول کېږي، خو ګومان کېږي چې واقعي شمېر ښايي تر دې زیات وي.

https://da.azadiradio.com/a/31265354.html